Hinimok ni Pangulong Rodrigo Duterte ang mga mamamayan na lumahok sa laban kontra sa mga sakit ng lipunan at matuto sa mga-aral ng nakaraan kasabay ng pagpasok ng bagong taon.
Sa kanyang new year’s message, kampante si Pangulong Duterte na malalampasan ng mga Pilipino ang mga hamong nakasasagabal sa kaunlaran sa pamamagitan ng nag-aalab na pagmamahal sa bayan at pagkakaisa.
Sinasalubong din aniya ng bansa ang bagong taon na puno ng pag-asa subalit dapat matuto sa mga aral ng nakaraan upang maharap nang buong tapang ang kinabukasan.
Hangad din ng Punong Ehekutibo na maging masagana at manigo ang bagong taon ng mga Pinoy kasabay ng panawagan na magkaisa sa gitna ng pagharap sa mga problema ng bansa.
