Hindi dumalo si Pangulong Rodrigo Duterte at iba pang lider ng Association of Southeast Asian Nation (ASEAN) sa 7th ASEAN-U.S. Summit sa Bangkok, Thailand.
Dahil dito, si Foreign Affairs Secretary Teodoro Locsin Jr. na lamang ang kumatawan sa pangulo, habang ang ibang foreign ministers naman ang humalili sa ibang miyembrong bansa na hindi nakadalo sa naturang summit.
Nabatid na maging si U.S. President Donald Trump ay hindi rin sumipot sa ASEAN-U.S. Summit dahil nangangampanya umano ito para sa kanyang mga kandidato para sa pagka-gobernador.
Gayunman, present naman sa nasabing summit sina ASEAN Summit chairman na si Thailand Prime Minister Prayut Chan-o-cha, Laos Prime Minister Thongloun Sisoulith, Vietnam Prime Minister Nguyen Xuan Cuc, at U.S. National Security adviser Robert O’ Brien.