Maaring nasibak sa pwesto si dating Philippine National Police (PNP) chief General Oscar Albayalde dahil sa command responsibility.
Ito’y ayon kay Department of Interior and Local Government (DILG) Secretary Eduardo Año ay kung hindi aniya kusang bumaba sa pwesto si Albayalde kaugnay ng isyu sa ninja cops dahil sa ma-anomalyang drug raid sa Pampanga noong 2013.
Paliwanag ni Año, pwedeng natanggal sa pwesto si Albayalde batay sa doktrina ng command responsibility kung nanatili ito sa kaniyang posisyon bago ang kaniyang retirement na nakatakda sa Nobyembre 8.
Matatandaang, si Albayalde ang regional director sa Pampanga noong 2013 nang maganap ang kuwesityunableng drug operation ng 13 pulis-Pampanga kung saan nabunyag sa imbestigayon ng Senado na tumanggap ang mga ito ng P50-milyon mula sa hinihinalang drug lord na si Johnson Lee na target ng nasabing operasyon.
