Balik bansa na ngayong araw si Pangulong Rodrigo Duterte matapos ang kanyang makasaysayang pagbisita sa Israel at Jordan.
Alas dies singkwentay kwatro ng gabi, oras sa Pilipinas nang lisanin ng pangulo ang Queen Alia International Airport sakay ng eroplano ng Philippine Airlines (PAL).
Inaasahan namang darating sa Davao International Airport ang pangulo mamayang alas dies ng umaga na mas maaga kumpara sa orihinal nitong iskedyul.
Bitbit ng pangulo sa kanyang pag-uwi sa bansa ang $82.9 million investment deals mula sa Israel habang $60.675 million naman mula sa Jordan.
Si Pangulong Duterte ang kauna-unahang pangulo ng Pilipinas na bumisita sa Israel at Jordan.