33 C
Manila
Saturday, April 20, 2024

Dul-An 400 Million Gi-Aprobahan Sa SP Para Sa Covid 19

- Advertisement -

Human sa tulo ka oras kapin nga diskusyon sa Sangguniang Panlungsod atol sa special session nga gipahigayon karong adlawa , giaprobahan ang duha ka appropriation ordinance pinaagi sa pagduso ni City Councilor Jeng Gacal Committee Chairman sa budget and appropriation sa konseho. Unang ordinansa mao ang pag revert sa P136,261,899.48 ug gikan sa lain pang tinubdan nga mikabat sa P286,336,845.35 aron mahimong available para sa impelementation of disaster risk reduction ang management preparedness and mitigation projects under MOOE and capital outlay accounts and subsidy for economic enterprise hospital apan sa amendments nga gi introduce ni Konsehal Gacal ug kini mayoryang naaprobahan . lain pang ordinansang naaprobahan mao ang P102,686,086.10 aron magamit sa operation sa Dr. Jorge Royeca Hospital isip maoy gibutang nga covid center sa dakbayan.

Hinuon taas nga diskusyon human gipatawag ang mga resource speakers gikan sa nagkaiyang mga buhatan sa LGU susama sa City Budget Officer Mr. John Quimosing nga gigisa sa mga pangutana sa mga konsehal.

Nasayran nga hapit nang i-downgrade gikan sa Enhance Community Quarantine padulong sa General community quarantine.

Gikwestyon sa mga konsehal ang unang naaprobahan nga covid funds nga wala pa magasto nga mokabat kapin sa P100 milyones ka pesos ug karon mangayo na usab ug laing budget. Apan gipasabot ni Quimosing nga aduna pay panginahanglan alang sa mga panginahanglan ilabina sa palitunon nga dugang supplies para sa katawhan ilabina ang bugas, delata ug uban pa samtang medical ug uban pang kagamitan para sa covid center ug mga testing kits, van type laboratory ug nakontrata nga mga expertong doctor ang gikinahanglan nga bayaran .

Samtang gibutyag ni Dr. Ryan Aplicador sa Dr. Royeca Hospital nga bisan covid center ang maong balay tambalanan nagadawat pa gihapon kini ug mga pasyente sa nagkadaiytang mga balatian.

Samtang gisugyot ni Kagawad Gacal nga hatagan ug tag usa ka sakong bugas apil ang mga middle class dili lamang ang mga pobre tundo apektado usab kini sa Covid 19 ug ilabina mga tax payers usab ang mga nahisgutan .

Human april 30,2020 posibling ipailawon na sa General Community Quarantie ang syudad sumala ni City Administrator Arnel Sapatos ug mopagula ug bag-ong Executive Order si Mayor Ronnel Rivera ug ipagawas atoll sa press conference karong katapusang adlaw sa abril.

Samtang padayong ipatuman ang clustering , pagamit ug facemask , number coding ug uban pang mga measures batok covid 19.

Matud pa ni Riza Paches nga wala pa na flatten ang curve sukwahi sa pagtuo sa pipila ka mga konsehal tungod nagpadayon pa ang mga kaso sa nagpositibo sa covid 19 pandemic sa nagkadaiyang mga dapit sa nasud Pilipinas.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -