27.2 C
Manila
Friday, March 29, 2024

Duha Ka Sakop Sa Coast Guard Nga Nakapatay Pag “Warning Shot” Sa Mananagat Gitakdang Pasakahan Ug Kasong Homicide

- Advertisement -

Cebu City –  Nagpabilin pa sa custody sa kapolisan sa Daanbantayan, Cebu ug gikatakdang pasakahan ug kasong homicide ang duha ka sakop sa coast guard nga aksidenteng nakapusil-patay sa usa ka mananagat luwan sa fishing boat nga gi ingong illegal nanagat sa kadagatan sa lungsod niadtong Biyernes.

Giingong gipasalbahan sa duha ka coast guard personnel ang nanibat nga mga mananagat nga buot unta nilang dakpon apan naigo man hinuon ang usa ug namatay.

Hinuon, pagkasayod sa duha ka sakop sa coast guard nga sila si Jason De Padua ug Christian Almorade nga namatay sa ospital sa Medellin ang mananagat, mitahan dayon sila sa kapolisan sa Daanbantayan.

Suma pa sa chief investigator sa kapolisan sa Daanbantayan, M/Sgt. Noel Belicario, nahitabo ang aksidenteng pagkapusil nianang alas 8 pasado sa gabii sa kadagatan sa Dakit-Dakit, Brgy. Logon, Daanbantayan.

Unya pagka alas 11 sa gabii misurender ang mga sakop sa coast guard ngadto sa kapolisan.

Migawas sa imbestigasyon nga ang duha ka coast guard personnel misakay sa jet ski aron pagdakop sa mga mananagat nga illegal nanagat sa lugar.

Mialegar sila si de Padua ug Almorade nga ang duha ka  fishing boats migamit og superlight ug illegal fishing gear.

Gawas niana, giingong nangisda usab ang mga mananagat sud sa marine protected area.
(Jhon Tadlip/JTY)

(News & photo courtesy of Daanbantayan Police Station)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -