Misamis Oriental – Mas gipalawman pa sa kapulisan ang imbestigasyon sa pagkamatay sa managlahing LGBTQ+ member gahapong adlawa.
Unang napalgan ang 20-anyos nga binabaye sa Purok 1 Barangay Casinglot, Tagoloan, Misamis Oriental bandang alas 8 sa buntag gahapon.
Biktima giila’ng si John Michael Cerna, ug residente sa Zone 13, Sta. Cruz, Tagoloan.
Sa pakig hinabi sa radyo ronda team, gibutyag ni Tagoloan Municipal Police Station Investigator On-Case Police Corporal Jenard Israel Base sa ilanh inisyal nga imbestigasyon nga nag-inom ang biktima kauban ang duha ka lalaki.
Gituohang gigulgol ug gibundakan ang li-og ug ulo sa biktima hinungdan sa hinanaling kamatayon.
Narekober sa crime scene ang bato ug botelya nga gigamit sa mga suspek.
Samtang, gisusi sa Kapulisan ang mga CCTV sa area aron matumbok ang mga responsable.
Ikaduhang napalgang-patay mao ang usa LGBTQ member nga pipila ka adlawng missing sa Paglaum, Camaman-an ning ciudad!
Biktima mao si Gilbert Arcebal, 33-anyos, medical representative ug residente sa Zone 2, Kinawe, Libona, Bukidnon.
Matud ni Police Station 2 Cogon Commander Police Capt. Abdulcahar Armama, Base sa inisyal nga imbestigasyon nga tulo ka batan-on nga nag-jogging ang nakakita sa biktima nga nagbuy-od sa kasagbotan nga bahin sa nahisgutang lugar.
Hinungdan nga gilayon kini’ng mireport sa Kapulisan. Gibutyag nga nawala ang Suzuki raider ug apple cellphone sa biktima.
Diin, dili mapiho ang gikamatyan niini.
Samtang sa laing bahin, Padayon pa’ng gisusi sa Kapulisan ang posible’ng motibo nganong mi-ambak sa Kagay-an bridge sa usa ka lalaking construction worker
Biktim mao si Alfie Caballes Saltat, hingkod ang panuigon, ug molupyo sa Lanao del Sur,
Sigun sa pipila ka taho sa kapulisan nga giingong gilakag sa mga rugby boy niadtong nakalabang adlaw ang biktima .
Napalgan ang lawas sa biktima diha na sa may Acasia St. Brgy. Carmen ning syudad.
News and photo by RPN CDO news team