Duha ang patay ug usa ka babayeng sakop sa new people’s army ang samdan atol sa nahitabong engkwentro alas 11:55 kagahapon buntag, September 9 didto sa Sitio Kanacan, Barangay Saloy, Calinan ning syudad sa Davao.
Mi-ulbo ang binakbakay sa dihang naka engkwentro sa mga sakop sa Scout Platoon/HHC/27th Infantry Battalion sa Philippine Army ang mga armado sakop sa Guerilla Front 55, Southern Regional Command 5, SMRC.
“on-going pa hanggang ngayon ang firefight sa area, so far sa side sa kalaban may dalawa ng patay at isang babaeng sugatan ang nahuli ng tropa,” sumala ni Police Major Jake Goles, Station Commander sa Calinan Police Station
Lima ka mga High Powered Firearms usab ang narecover sa mga sundalo. Isa ka M4 Armalite Riffle, tulo ka M16 Armalite Riffle ug usa ka M13 Armalite Riffle.
Sa pikas bahin, gidayig ni Brigadier General Nolasco A. Mempin, commander sa 1003rd Infantry RAPTOR Brigade ang katawhan sa lugar kinsa dali nga nakapahibalo sa presensiya sa mga teroristang NPA hinungdan sa paslas nga pagrespondi sa Kasundaluhang sakop sa 27th Infantry Battalion.
Gipadangat usab ni General Mempin ang iyang pahasubo sa mga pamilyang napatay nga mga NPA. Sumala pa sa opisyal nga dili kini mahitabo kung wala lamang mailad sa mga komunista ang mga hintungdang namatay sa engkwentro.
Sumala pa sa impormasyon gikan sa Division Public Affairs Office sa 10th Infantry AGiLA Division ug Civil-Military Operation na karong alas 9 sa buntag gitakda nga i presenta sa Media ang duha ka mga patay’ng lawas sa NPA ug mahatag sa pamilya alang sa desinteng haya ug lubong sa Malabog Paquibato District ning syudad.
Samtang ang samarang Amazona nga gitabang sa Kasundaluhan ang gitakda usab nga ikarga sa Chopper karong adlawa aron madala sa balay tambalanan aron mamaayo sa samad nga iyang naangkon atol sa engkwentro. (CMO 27th IB/ DPAO 10th ID/ CMO Battalion/ OIC Michael Manguhig RPN DXKT Davao)
