Davao City – Duha ka mga lalaki ang gipangdakop human nga naharang sa checkpoint sa Task Force Davao ug Toril Police Station sa Barangay Sirawan ning siyudad diin nakuhaan ug gituhoang shabu alas 3:00 sa sayong kaadlawon, Setyembre 6, 2021.
Si Police Major Michael Uyanguren, hepe sa Toril Police Station miila sa duha ka mga nadakpang suspek nga sila Larry Jum Loi Escutin, 40 anyos, driver ug Rolando Salaum, 36 anyos nga pulos taga Surigao del Norte.
Sakay ang mga dinakpan sa usa ka Nissan Urvan pasulod dinhi sa dakbayan sa dabaw dihang pag-abot nila sa checkpoint, nakita sa mga otoridad nga dunay gilabay pagawas sa sakyanan ang nagsakay sa maong sakyanan. Dihang gisusi sa mga otoridad , nasuta nga usa ka pakete sa gituhoang shabu, nakuha usab gikan sa mga suspek ang shabu paraphernalia.
Kaso nga kalapasan sa RA 9165 kun Comprehensive Dangerous Drugs Act of 2002 atubangon sa mga dinakpan.
(Source: Toril Police Station)
