Sa padajun nga Simultaneous Anti Criminality Law Emforcement Operations kon SACLEO sa Surigao del Norte Police Provincial Office lain na sab an nadakpan sa Provincial Drug Enforcement Unit sa gipahigayon nga buy bust operation.
Nakilay.an an suspek nga si Muhammad Lumancas Sultan, alyas Fujie, 37 anyos, residente sa Purok 2, Bagong Silang, Brgy. Washington, SC.
Nakompiskar sa posisyon sa suspek an:
• Isa kabuok medium size nga plastic sachet sa suspected shabu pinalit sa poseur buyer
• Isa ka wallet nga may suyod nga lima (5) ka plastic sachet sa suspected shabu sa kinatibuk.ang timbang jaon sa 10 grams sa kantidad P68, 000 pesos
• Isa ka P1, 000 peso bill gigamit isip marked money
Sa pagka kuman an suspek apil an mga ebedensiya an jaon sa kustodiya sa SDNPPO.
Ika duha nga buy bust operation didto na sa lungsod nan Dapa mga alas 10:00 nan buntag. Nakilay.an an nadakpan nga si Wilson Formilles Correos Jr., alyas kabay, 38 anyos, residente sa Purok 1, Brgy. 13, Poblacion, Dapa, SDN.
Nakompiskar sa posisyon sa suspek an isa ka plastic sachet sa suspected shabu nga gibana-bana motimbang sa 0.1649 gram sa kantidad P1, 120.00 ka pesos
Laing tuyo ka plastic sachet sa suspected shabu nga gibana-bana motimbang sa:
• 0.4947 gram sa kantidad P3, 363.00 ka pesos
• Kwarta sa kantidad P6, 000 pesos sa nagka lain-laing nga denominasyon
• Buy bust money nga P3, 000 pesos
• Isa ka P1, 000 peso bill as buy bust money ug duha kabuok P1, 000 isip boodle money
• Isa ka lighter
An nadakpang suspek an jaon sa kustodiya sa Dapa MPS.
Mag atubang isab sila sa kasong kalapasan sa Sec. 5 ug Sec. 11, Article 2, sa RA no. 9165 kon Comprehensive of Dangerous Drugs Act of 2002. (Mark James Lisondra)