Tagoloan, Misamis Oriental – Nagmalampuson ang duha ka mga dagkong kalihokan sa PHIVIDEC Industrial Authority nga gitumong sa dili pa matapos ang tuig 2024. Gahapong adlawa, Novembre 27, 2024, gipahigayon ang signing sa Memorandum of Agreement (MOA) tali sa PHIVIDEC Industrial Authority ug University of Science and Technology of Southern Philippines (USTP).
Ang unod sa maong MOA mao ang pagtukod sa Annex Building sa PHIVIDEC Industrial Authority sa may Kirahon Plateau, Villanueva Misamis Oriental nga pagasugdan sa sunod tuig. Ang USTP mao ang nagdesinyo sa ilang Annex Building pinaagi sa ilang Teacher Architect ug mga estudyanteng On-theJob Trainees. Mismo si USTP President Dr. Ambrosio Cultura III ug PHIVIDEC Administrator and CEO, Atty. Joseph Donato Bernedo ang mipirma sa maong kasabotan.
Matud niini nga ang maong proyekto dako ug ikatabang dili lamang sa pagpalambo sa relasyon sa tunghaan ug sa industrya apan usab sa salig PHIVIDEC ngadto sa ilang mga magtutungha
Matud usab ni PHIVIDEC Administrator and CEO Joseph Donato Bernedo nga nakadesisyon sila nga mutukod og annex building sa nahisgotang lugar tungod kay tinguha niini nga mu-expand pa ang PHIVIDEC gawas sa Tagoloan ug Villanueva.
Samtang sa laing bahin, malampusong nasindihan gabii ang ”Adopt and Light a Tree” program sa may Tree Sanctuary, Tagoloan Misamis Oriental pinaagi sa pagpaningkamot sa PHIVIDEC Industrial Authority ug 16 ka mga locators niini nga magtigi sa pinakanindot nga decoration sa kahoy nga gi-adopt niini.
Muabot sa 16 ka mga Locators sa PHIVIDEC Industrial Authority mupasundayag sa ilang tagsa tagsa ka mga Adopted Tree, diin nahimong mga mananaog isip Best Decorated Tree ang Philippine Sinter Corporation (PSC) ug Best Decorated Tree and Most Eco-friendly Tree – STEAG Power State Inc.