Pormal na nga gi-ablihan ang duha ka buyan na mga aktibidad ubos na sa Community Support Program nan Arm Forces of the Philippines pinaagi na sa Philippine Navy na tagpanguyohan ni LTJG LUCKY SANTOS nga naka basi na sa Davao City. Ini may kalabotan na sa gipirmahan nga Executive Order No.70 ni Presidente Rodrigo Duterte.
Pipila sa mga kalihokan nga nakatakdang ipahigayon amo na an mga musunod: Livelihood Trainings para na sa mga mag-uuma sanan mga Mangingisda; WASAR Training para sa mga Brgy Tanods ug mga SK members; Medical Capability Activity ug uban pa nga mga serbisyo nan gobyerno gikan sa kaulohan pinaagi na nan gobyerno nan dakbayan.
Sa maong kalamboan mipadayag mismo si city mayor Estong Matugas sa iyang mensahe nga nagpaabot isab nan pasalamat sa administrasyon ni Presidente Duterte ini isa sa mga lakang nan gobyerno para na maminusan sanan mapakgang ang mga bisan uno na kalihokan nan walhong pundok o terorismo.
Gitambongan isab an amo na aktibidad mismo ni Punong Barangay Arturo Santillana lakip na sa iyang mga barangay kagawads ug mga tanods.
Ang maong naka han-ay na mga kalihokan ang pagasugdan kuman buyan nan Hulyo ug mulungtad sa buyan nan Agosto 27, 2021.
(Source: Surigao City PIO Facebook page)