Duha Ka Bangkang De Motor Ug Kagamitang Pangdagat Gitugyan Sa Mangingisda Sa Brgy. Carang

Puno sa kalipay ang gibati sa Carang Fisherfolks human nila nadawat ang duha ka bangkang de motor nga nagkantidad ug ₱ 241,000 ka pesos ug kagamitan sa pangdagat nga nagkantidad ug ₱ 56,800 nga gikan sa Bureau of Fisheries and Aquatic Resources (BFAR) ug sa kagamhanang lokal sa Dapitan pinaagi sa City Agriculturist Mr. Cyril Patangan.

Mihangyo usab si Ms. Arcelita Andaya, Provincial Fishery Officer nga atimanan nila ang maong mga kagamitan sama sa pag-amping usab sa atong kadagatan nga maoy ilang tinubdan sa panginabuhian.. Gidayeg usab ni Andaya ang liderato ni Mayor Nene Jalosjos sa pagtutok niini sa maayong program ngadto sa mga mangingisda sa Dapitan human nakadawat na kini ug pasidungog sa BOAT-R program ug sa Malinis at Masaganang Karagatan kon MMK ug ang premyo niini napahimuslan na sa mga mangingisda.

Malipayong mipasalamat usab si Mr. Macario Omilig, Presidente sa Carang Fisherfolks Association sa maong programa nga natunol kanila.

Mihatag usab ang buhatan sa City Agriculture sa mga libreng cacao seedlings ngadto sa mga lumulupyo sa maong barangay.

Mitambong usab sa semonya sila si Konsehal Hope Jarapan, Bing Balisado ug Divine Patilano nga maoy nihatag sa mensahe ni Mayor Jalosjos. (CID-Buddy B. Cagbabanua)