33.2 C
Manila
Monday, April 15, 2024

DTI 7 Nagsugod Na Pagbantay Sa Mga Produkto Nga Pang-Noche Buena

- Advertisement -

Cebu City – Nagsugod na ang  Department of Trade and Industry o DTI-7 pagbantay sa mga produkto nga pang-Noche Buena sa mga mol ug  supermarket samtang nagkaduol ang panahon sa Pasko.

Nahinabi sa media, si Ines Cajegas, pangu sa consumer protection division sa  DTI-Cebu, miingon nga ang ilang monitoring motutok lang una sa supply sa mga produkto.

Iyang gibutyag nga hangtod karon, ang ilang ulohang buhatan wala pa maka isyo og SRP o suggested retail price sa mga baligyaong pang-Noche Buena.

Matod ni Cajegas, naa na silay mga tawo nga nagtan-aw sa maong mga produkto kon pilay presyo apan di pa nila mailhan kon overprice ba kini o dili.

Hinuon, nagtuo si Cajegas nga ang bag-ong SRP sa mga Noche Buena products mogawas karong buwana.

Nagtuo si Cajegas nga bisan sa health crisis tungod sa pandemic mamalit gihapon ang mga konsumidor sa naasoyng mga produkto alang sa kasaulogan sa Pasko.

Gidasig usab niya ang  mga tag-iya sa mga mol ug supermarket nga iseguro ang kaluwasan sa mga pumapalit pinaagi sa pagtuman sa health ug safety protocols aron kalikayan ang pagkatap sa coronavirus. (Jhon Tadlip/JTY) 

(Source: DTI 7)

(Credits to the owners of contributed photo) 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -