Cebu City – Nagpasiugdaog online signature campaign ang mga Consumer groups sa Sugbo sa ilang tinguha pagpa-imbestigar sa kongreso ug senado sa giingong overcharging sa electricity bills sa Visayan Electric (kanhi VECO) niadtong ubos pa ang Cebu City ug ubang bahin sa Metro Cebu sa ECQ o enhanced community quarantine.
Ang CCCA o Cebu Concerned Consumers Association, POWER o People’s Overnight Watchdog for Energy Reform, ug Konsumo – Cebu misakay sa reklamo ni Edward Ligas nga usa ka international boxing judge ug magsisibya batok sa Visayan Electric tungod sa dakong surcharges sa bill sa panahon sa quarantine period.
Gani, misang-at si Ligas og reklamo sa ERC o Energy Regulatory Commission dihang na doble ang iyang binuwang bayranan sa Visayan Electric.
Suma pa sa grupo, inay tubagon sa kompaniya ngano nga dunay gipatong nga surcharge panahon sa ECQ, lain hinuon ang gitubag sa kanhi VECO (Visayan Electric Company.
Si Ligas miingon nga ang tubag sa Visayan Electric sa iyang reklamo dili makatagbaw kay matod pa, napakyas siya pagbayad og usa ka buwan hinungdang giisyohan siyang disconnection notice. (Jhon Tadlip/JTY, photo courtesy of Visayan Electric Company)
(Source: Edward Ligas)