Davao De Oro – Himas rehas karon ang tulo (3) ka mga drugs suspect sa Davao de Oro human gikasa sa mga sakop sa Mabini municipal Police Station ug Philippine Drug Enforcement Agency kun PDEA, Regional office XI ang drug buy-bust operation sa Rizal street, Purok Matibangon, Barangay Cuambog, Mabini, Davao de Oro.
Giila sa kapulisan ang suspek nga si Jonalyn Te alyas Lyn, drug den maintainer, 40 anyos, dalaga, lumulupyo sa nasangpit nga lugar, kinsa napalitan sa pdea agent og usa (1) ka sa sachet sa shabu nga dunay gibug-atong usa (1) ka gramo nagkantidad og P12,000 pesos.
Atol sa maong operasyon nasikop usab ang duha (2) ka drug den visitors nga giilang sila Ricardo Amargo ug Railjohn Te.
Samtang laing upat (4) ka sachets ang nakumpiska atol sa operasyon nga motimbang og onse (11) gramos nga dunay dangerous drugs board nga nagkantidad og P78,000 pesos lakip ang mga drug paraphernalia.
Ang mga suspetsado gikustodiya na sa Mabini Police Station ug mag-atubang sa kasong paglapas sa Article II of Republic Act 9165 kon Comprehensive Dangerous Drugs Act of 2002.(Camille Santos Naraga)
(Source: PDEA XI)