Binuweltahan ni Pangulong Rodrigo Duterte ang naging pahayag ni Senate Minority Leader Franklin Drilon na bigo ang infrastructure program ng pamahalaan na ‘Build, Build, Build’.
Ayon kay Pangulong Duterte, hindi marunong magbilang ang senador at hindi nito tinitignan ang mga natapos o nasimulan nang mga proyekto.
Aniya, walang batayan at hindi tama ang pahayag ni Drilon bagama’t malaya itong magbigay ng mga pananaw.
Iginiit ng Pangulo, hindi bigo ang infrastructure program ng kanyang administrasyon kung titignan ang mga napagawang mga paliparan at mga kalsada sa kahabaan ng Luzon.
Magugunitang noong nakaraang linggo, sinabi ni Drilon na malaking kabiguan ang ‘Build, Build, Build’ projects ng pamahlaan matapos mapag-alamang 9 pa lamang sa 75 flagship projects sa ilalim nito ang naumpisahan.