Tungod sa presensya sa Delta ug ubang variants dinhi sa Cagayan de Oro, hugot nga gipahimangnoan ang katawhan sa pagtuman sa minimum public health standards ilabina nga 60% ang kapaspas sa pagtakod niini.
Gipasabot ni City Epidemiologist Dr Joey Retuya nga basi sa pinakaulahing datos nga gipagawas sa Philippine Genomic Center nga nahimutang sa UP National Institute of Health nga adunay Alpha, Beta ug Delta variants nga nasuta sa Whole Genomic Sequencing niadtong Hulyo 25 ning tuig.
Dugang pa ni Dr. Retuya nga mahimo kining motakod ubos sa 15 minutos nga exposure ilabina gyud kung walay protective measures ug symptomatic ang pasyente.
Gani man, 40% nga mas modugay pa kini sa outdoor setting busa angayan lamang nga magsuot kanunay og facemask, face shield, batonan ang social distancing ug kanunay nga manghugas ug pag-sanitize sa kamot. (City Health Office)