(Baguio City) Inutusan ng Konseho ng Lungsod ng Baguio ang City Engineering Office na makipag ugnayan at kumuha ng permiso sa Department of Public Work and Highways (DPWH) sa pagkilala ng mga kalsada sa lungsod ng Baguio na maaring gamitin bilang shared lanes” upang matiyak ang kaligtasan ng mga siklista o mga bicycle riders.
Ayon kay Vice Mayor Faustino Olowan, kinakailangan ang pakikipag ugnayan sa DPWH upang matiyak ang paglalagay ng mga bicycle facilities ng gobierno ng lungsod naaayon sa panuntunan na ipinalabas ng DPWH.
Kung inyong matatandaan na ipagpaliban ang pagbibigay ng go signal sa panukalang Bike Lane Ordinance matapos ipaliwanag ng CEO ang mga ilalagay na bicycle facilities ayon sa naturang ordinansia at kinakailangang naaayon sa pinakabagong panuntunan ng DPWH. (RPN-Baguio/Joel Cervantes)
