Saturday, June 22, 2024

DOTr, CPA Mipahigayon Ug 4th Bidding Alang Sa San Fernando Port Project

- Advertisement -

Cebu City – Gipahigayon sa Department of Transportation (DOTr) ug sa Cebu Port Authority (CPA) pinaagi sa Special Bids and Awards Committee ang ika upat nga bidding alang sa Construction sa San Fernando Port Project.

Kahinumduman, nga ang third bidding sa maong project nga gipahigayon niadtong Mayo 2021, gideklara nga failure homan ang tanang bids pakyas pag comply sa tanang bidding requirements subay sa 2016 Revised Implementing Rules and Regulations Act 9184, ug sa Government Procurement Reform Act.

Ang DOTr-funded project dunay approved budget for the contract (ABC) nga ₱ 336,114,557.47 alang sa demolition sa kasamtangan ug daan na nga pantalan ug pagpatukod ug bag-ong roro facility sa Barangay Poblacion, San Fernando.

Sa higayon nga mahuman kini, ang maong facility molangkob sa Central Spine Roro Route Project sa DoTr nga nagtinguhang masiguro nga ang Roro (roll on, roll off) facilities maplastada alang sa pag cater sa trade ug tourism needs ug pag maintain sa inter-island connectivity.

Ang maong pantalan maka accommodate sa mga vessel  nga mobyahe gikan sa San Fernando, Cebu ngadto sa Tubigon ug Jagna ports sa lalawigan sa Bohol.

Lakip na niini ang mga byahe sa lungsod sa Mambajao ug Mahinog sa Camiguin, ug ang munisipalidad sa Balingoan ug Cagayan de Oro City sa Misamis Oriental.

Mga contractors nga mi submit sa ilang bid naglakip sa Vicente T. Lao Construction, BNR Construction and Development Corporation, WTG Construction and Development ug ang joint venture sa RCDG Construction Corporation, BSP & Company Inc. ug Great Swiss Metal Builders Corporation.

(News & photo courtesy of Cebu Port Authority)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -