CAGAYAN DE ORO CITY – Paborableng gisuportahan sa committee on trade and commerce sa konseho sa dakbayan sa Cagayan de Oro ang panawagan sa Department of Science and Technology o DOST-10 nga mapatuman ang lakang nga magpabilin ang pagsalig sa mga konsumante sa negosyo ilabi na ning panahon sa pandemic.
Si Regional Director Alfonso Alamban sa DOST-10 mipasabot atol sa tigom sa komite bag-ohay pa lamang nga tungod sa kadaghan sa online sellers kon mahimo dili kini pahamtangan sa silot kon wala pa marehistro inay tabangan ug tudluan sa mga giya sa health o safety protocols ang mga delivery men niini ug ngadto sa mga konsemidor ilabi na kon ang negosyo mga pagkaon.
Sa kabahin sa committee on trade and commerce nga gipamunuan ni konsehal George Goking siya mipadayag sa suporta niini tungod kay ang mga online sellers nahimo nang panginabuhi tungod sa kadaghan karon sa mga kompaniya ang nanira sa ilang mga negosyo. Gani pa man si Goking miingon nga adunay us aka task force karon ang gimugna aron mopahigayon sa dugang pagtuon sa dagan sa negosyo sa syudad aron malikayan ang dugang pagsira sa mga establisemento. Kini tungod usab sa kadaghang mulo sa katawhan ug sa mga negosyante.
(Source: Sangguniang Panglungsod)