Giawhag karon sa Department of Health ang nagkadaiyang local government units sa Soccsksargen nga mas pahugtan pa ang ginahimong monitoring sa tanang arriving travelers, human matala na sa rehiyon ang unang kaso sa B.1.1.7 virus infection.
Sa usa ka pamahayag, gibutyag usab ni DOH regional spokesperson Arjohn Gangoso nga base sa ilahang datus, adunay mga taga-Region 12 nga naka-base sa Metro Manila, ang natakbuyan sa ubang variants sa SARS CoV2.
Kini matod pa ang padayong gibantayan sa DOH aron masiguro nga gilayong ma-quarantine ang mga nasampit, higayon nga maka-uli sa rehiyon.
Kadaghanan matod pa sa mga nasampit nga pasyente ang adunay travel history sa ubang mga nasud.
Una nang gikumpirma mismo sa GenSan-LGU nga usa ka 58 years old male nga residente sa Barangay San Isidro ang nagpositibo sa UK variant sa virus. (John Rey Somido, photo courtesy of PIA-12)