Region 12 – Bumaba na sa moderate risk classification ang Region 12, bagama’t nanatiling mataas ang utilization rate ng mga Covid-19 beds.
Sa isinagawang media briefing, iniulat ni Department of Health Undersecretary at spokesperson Maria Rosario Vergeire, bumaba na sa 8.43 percent ang Average Daily Attack Rate ng rehiyon kung ikumpara sa nakalipas na mga araw.
Batay sa October 3 tracker bulletin ng DOH-Center for Health Development, umakyat na sa 51, 524 ang regionwide Covid-19 cases sa Soccsksargen, matapos maitala ang 373 na bagong pasyente.
Sa kabuuang bilang, 9.73-percent o 5,011 ang aktibong kaso.
Ito ay kinabibilangan ng 930 active cases sa General Santos City; 1,226 sa North Cotabato; 951 sa Sarangani; 1,589 sa South Cotabato ug 315 gikan sa Sultan Kudarat.
Naitala rin sa rehiyon ang 44, 809 na total recoveries, kabilang ang 282 new survivors.
(Source: DOH 12)