Cebu City – Naglatid na ang DOH o Department of Health og SRP o suggested retail price sa baligyang mga face shields gikan sa ₱ 26 ngadto sa ₱ 50 matag usa.
Segun sa public advisory nga giluwatan sa DTI o Department of Trade & Industry, ang prescribed price alang lang niadtong mga face shields nga gama sa clear plastic o sa acetate material nga makahatag og maayong panan-aw.
Nag-ingon usab ang advisory sa DTI nga ang face shields kinahanglang gama sa robust material nga sayon rang limpyohan ug i-disinfect.
Kinahanglan usab nga kini fog-resistant, naay adjustable band nga mopahaom sa ulo ug adunay full face coverage.
Matod sa DTI, ang DOH misubli nga mahimong patongan og 10 porsyento ang SRP sa face shields alang sa distribution cost sa Kabisay-an ug Mindanao.
Sa nasayran, ang maong matang sa PPE o personal protective equipment nahimong himalitan dihang gianunsyo sa DOTr o Department of Transportation ang pagpagamit niini sa tanang sumasakay sa PUV o public utility vehicles.
Ug karon gi-require na usab sa labor department sa mga establisimento. (Jhon Tadlip/JTY)
(Source: Department of Health/ Department of Trade and Industry)
