Davao City – Inirekomenda ng Department of Health-Davao Region na isasailalim sa Modified Enhanced Community Quarantine (MECQ) ang Davao City samantalang ang Davao De Oro ay isasailalim din sa Enhanced Community Quarantine (ECQ) dahil sa patuloy na pagtaas ng Covid-19 healthcare utilization rate.
Ayon kay Dr. Rachel Joy Pasion, Chief ng Regional Epidemiology Surveillance Unit (RESU) ng DOH-Davao, nasa critical risk pa rin ang Covid-19 facility sa Davao City at Davao Oriental lalo na sa Southern Philippines Medical Center (SPMC) dito sa Davao City.
Dagdag ni Dr. Pasion na bago pa nila ipapadala sa IATF ang rekomendasyon, makipag-usap muna sila sa LGU at sa mga Regional Inter-Agency Task Force for the Management of Emerging Infectious Disease (RIATF) kasama na rin ang Regional Task Force Against Covid-19.
Sa ngayon, nasa 78.9% ang utilization rate ng Covid-19 ICU sa buong rehiyon, 62.2% din ang isolation beds, 62.8% ang ward beds at 52.8% ang utilization rate ng mga mechanical ventilators.
(Source: Department of Health Davao)