Malampusong nakapahigayon sa ilang Public Fire Education ang mga personahe sa Salug Municipal Fire Station, kaniadtong Abril 30,2026 didto sa Barangay Tambalang, Salug, Zamboanga del Norte.
Ang maong aktibidad gihimo sa pagpangulo ni SFO4 Roseller P Taleon, pinaagi sa “Talakayan sa Pamayanan: Public Fire Education in the Neighborhood”.
Tumong sa maong kalihokan mao ang mapalig-on ang kahibalo ug kaandam sa komunidad nga maluwas sa sunog, pagpakgang, ug pagtubag sa matang sa emerhensya.
Pinaagi sa aktibong pagpartisipar sa mga residente napaambit sa mga personahe ang impormasyon nga nagsangkap sa bililhong kahibalo nga makatabang sa pagpanalipod sa mga kinabuhi ug kabtangan gikan sa mga insidente sa sunog.
Gipabilin sa mga personahe sa Salug Municipal Fire Station ang ilang pagka komitado sa pagpasiugda sa padayon nga mga programa sa edukasyon sa publiko aron sa ingon niini mapasiugda ang kahibalo sa kaluwasan sa sunog ug matukod ang mas luwas ug mas lig-on nga komunidad.(MEDALYN U. BORJA)
Source: Salug BFP