Gipahibalo sa Zamboanga del Norte Police Provincial Office nga karong umaabot Disyembre 11, 2025, magpahigayon ang kapulisan ug Simulation Exercises (SIMEX) sa mga dakbayan sa Dipolog ug Dapitan isip kabahin sa Enhanced Managing Police Operations (EMPO) training.
Gipunting sa PNP nga ang maong kalihukan usa ka tinuyo ug nakaschedule nga simulation exercise aron mapalambo ang kahimsog, kahandi, ug kahapsay sa operasyon sa mga police personnel ilabi na sa pag-atubang sa nagkalain-laing emerhensiya.
Gipaabot nga maka-obserbar ang mga residente ug mga molabay ug mga lihok sa kapulisan, emergency responses, ug role-playing scenarios sulod sa gitakdang mga lugar.
Gipasabot usab sa probinsyal nga kapulisan nga simulation lamang kini ug dili tinuod nga emerhensiya, busa gihangyo nila ang publiko sa pagsabot ug pagtinabangay aron malikayan ang dili kinahanglan nga kahadlok o kalibog atol sa kalihukan.
Ang buhatan mitugot nga ang SIMEX usa ka lakang aron masiguro nga andam ug epektibo ang kapulisan sa pag-atubang sa tinuod nga emerhensiya sa umaabot.(IKEN B. GULLEM)
Source: Zamboanga del Norte Police Provincial Office