Malampuson nga gipahigayon ang Christmas Party 2025 alang sa Barangay Health Workers (BHW) ug Barangay Nutrition Scholars (BNS) sa lungsod, diin daghang mga partisipante ang mitambong ug nagtinabangay sa pagsaulog sa maong espesyal nga panagtigom.
Gipangulohan ang kalihokan sa Local Government Unit ug gisuportahan ni Sindangan Mayor Glona G. Labadlabad, nga naghatag ug lima (5) ka kilo nga bugas ug sardinas para sa tanang BHW ug BNS nga mitambong. Gidugang usab sa mayor ang mga papremyo alang sa nagkadaiyang contest nga nakapadugang sa kalipay sa programa.
Mihatag usab ug suporta sila SB Member Bethlehem Gurrea ug SB Member Victoria “Ahmai” Labadlabad, pinaagi sa ilang sayo nga pa-halipay para sa mga health frontliners. Ang ilang kontribusyon nakaalayon sa paglambo sa kalihokan ug nakapadugang sa pasundayag sa panagtigom.
Nagpasalamat ang mga organiser sa tanan nga mitambong ug misuporta, tungod kay pinaagi sa ilang pagtinabangay ug kanunay nga pagpaluyo, nahimong bibo, hapsay, ug malampuson ang maong Christmas Party. Gilauman nga ang susamang kalihukan mapadayon sa mosunod nga tuig aron padayong pasidunggan ang mga kugi, maabtikon, ug matinud-anon nga BHW ug BNS nga nag-alagad sa komunidad.(IKEN B. GULLEM)
Source: RHU Sindangan