Ang Zamboanga del Norte Medical Center (ZNMC) nakadawat ug Plaque of Recognition, isip usa sa Ideal Health Care Institutions sa Rehiyon-IX.
Kini atol sa pagsa-ulog sa ika 28 nga anibersaryo sa Philippine Health Insurance Corporation (PHIC-IX), Awarding Ceremony, kaniadtong Marso 29 niining tuiga, sa Palacio del Sur, Zamboanga City.
Ang maong Award gidawat ni Donnabella I. Borromeo, Assistant Chief Nurse sa ZNMC ug Charyl B. Cabasag, Administrative Officer, pinirmahan ni Paolo Johann C. Perez, Regional Vice President, PhilHealth Regional Office IX.
Dako ang pagpasalamat ni Dr. Oswaldo Lamdag, Acting Chief of Hospital, ngadto sa PhilHealth, nga naila ang ZNMC nga usa sa Ideal Health Care Institutions sa Region-IX, tungod sa natad sa dakong kasinatian sa mga pasyente, kaluwasan ug imprastraktura, amenities, igo nga mga kawani ug administratibong pag-proseso.
Samtang, malipayon usab nga nagpasalamat sila Ms. Borromeo ug Ms. Cabasag, ngadto sa PhilHealth, nga giila ang ilang mga paningkamot sa Zambo. Norte.
Dako’ng hagit kini sa ilang kabahin, nga mapadayon ang maayong serbisyo sa maayong panglawas sa tibuok probinsiya.
Ang 28th PhilHealth Anniversary adunay Tema: ‘Konsultasyong Sulit at Tama: Stakeholder’s Handog Pasasalamat.’
(Source: Provincial Information Center Zanorte Facebook page)