Malampusong gibalhin sa Zamboanga del Norte Medical Center (ZNMC) ang duha ka pasyente paingon sa Cebu City aron makadawat og espesyal nga pag-atiman medikal gikan sa mga eksperto sa trauma ug pediatric surgery.
Ang unang pasyente usa ka 71-anyos nga lalaki gikan sa Dapitan City nga adunay Cervical Dislocation (C3-C4), samtang ang ikaduhang pasyente usa ka 10-anyos nga batang lalaki gikan sa Polanco nga adunay Hirschsprung’s Disease. Ang duha ka pasyente gi-escortan sa medical team nga pinangulohan ni Kaime Ordiz, RN, uban sa transport driver nga si Clyde Giangan.
Sumala sa ZNMC, ang kalampusan sa operasyon sa pagbalhin posible tungod sa lig-on nga koordinasyon sa medical staff ug sa suporta ni Governor Darel Uy ug ZNMC Administrator Dr. Esmeralda Nadela, nga nagpalig-on sa serbisyo sa specialized healthcare alang sa mga pasyente sa probinsya.(Jeniffer Jr. Delica)
Source/Photo Courtesy: Zamboanga del Norte Provincial News Network