Nagpahigayon ug usa ka Monthly Rank Inspection ang Bureau of Jail Management and Penology (BJMP) – Dipolog City Jail Female Dormitory, aron palig-onon ang disiplina, propesyonalismo, ug pagkahiusa sa ilang mga personahe.
Nanguna sa maong kalihokan si Acting City Jail Warden SJO4 Prima T. Magallanes, uban si Assistant Warden ug Unit Executive Senior Jail Officer SJO2 Cherry G. Del Valle.
Sa maong inspeksyon, mapahitas-on nga mitindog sa pormasyon ang mga jail personnel, nagpakita sa ilang garbo ug pagkahimakas sa serbisyo publiko.
Miagi usab sa inspeksyon ang 15 ka babaye ug 6 ka lalaki nga personahe, aron masiguro ang husto nga pagsul-ob sa uniporme sa BJMP, kompleto nga paraphernalia, ug angay nga pag-atiman sa kaugalingon gikan sa limpyo nga uniporme, tarong nga haircut, hangtod sa limpyo nga kuko.
Matod pa sa pamunuan, dili lang kini usa ka pormalidad apan usa ka paagi aron mapaligon ang alertness, teamwork, ug dedikasyon sa serbisyo publiko. Ang regular nga inspeksyon nagpaluyo sa tumong nga magpabilin ang kataas nga pamatasan ug propesyonalismo sa tanang sakop sa BJMP Dipolog City Jail Female Dormitory.(Iken B. Gullem)
Source: BJMP Dipolog CityJail FemaleDorm