Luwas nga nahatod sa Zamboanga del Norte Medical Center Medical Team ang mga pasyente gikan sa ospital padulong sa Sultan Kudarat, Zamboanga del Norte niadtong Marso 7, 2026 aron masiguro ang ilang hapsay ug luwas nga pagbiyahe pauli sa ilang lugar.
Gikuyogan sa medical staff nga si Ding Robles ug transport driver nga si Clyde Giangan ang mga pasyente sa tibuok biyahe aron masiguro nga mahatagan sila og hustong pag-atiman ug kahupayan samtang nagbiyahe.
Ang maong transportasyon kabahin sa paningkamot sa ZNMC sa pagpadayon sa maayong serbisyo sa panglawas ug pag-atiman sa mga pasyente bisan human sa ilang pagpa-ospital.
Gipasalamatan usab ang liderato ni Darel Uy, ingon man ang suporta ni Herdina Gallegos, head sa medical team, ug Esmeralda Nadela, hospital administrator sa ZNMC, nga mitabang aron malampuson nga mapatuman ang maong misyon sa pag-alagad sa komunidad.(JENIFFER JR. DELICA)
Source: Zamboanga del Norte Medical Team