Nanguna ang 1st Zamboanga del Norte Provincial Mobile Force Company sa pag-ani og mga utanon gikan sa ilang garden sa 4th Platoon, nga nahimutang sa Barangay Datu Tangkilan, ubos sa liderato ni Police Lieutenant Colonel Ryan Jay R. Capurcos, Force Commander sa yunit.
Kabahin kini sa padayong Food Security Program sa yunit nga nagtumong sa pagpalig-on sa self-sufficiency ug pagpalambo sa kaayohan sa komunidad. Pinaagi sa kolektibong paningkamot ug aktibong partisipasyon sa mga personnel, napalambo ang produksyon sa preskong utanon nga magamit alang sa adlaw-adlaw nga panginahanglan.
Gipakita sa kalihokan nga ang yano nga pagtanom ug pag-ani makatampo sa mas himsog ug malungtarong kaugmaon. Ang inisyatiba nagpalig-on usab sa papel sa kapulisan dili lang sa pagpanalipod sa kalinaw, kondili sa pagtabang sa kalamboan sa komunidad.(JENIFFER JR. DELICA)
Source: Zamboanga del Norte 1st Provincial Mobile Force Company