Mitubag dayon ang Shift B Emergency Medical Services personnel sa Liloy Municipal Fire Station sa usa ka vehicular accident nga nahitabo sa Barangay Communal niadtong alas 2:10 sa hapon, Disyembre 27, 2025.
Sa pag-abot sa mga bumbero ubos sa pagdumala ni Fire Inspector Dave C. Dela Cruz, Acting Municipal Fire Marshal, ang biktima giatiman na sa Municipal Disaster Risk Reduction and Management Office personnel. Ang pasyente conscious ug responsive, apan adunay lawom nga samad sa anit sa ulo. Gitabangan sa BFP EMS ang husto nga pagbutang sa spine board, pagmintinar sa cervical alignment, ug pagseguro sa lawas sa pasyente samtang gikuha ang vital signs.
Human sa paunang medikal nga tabang, ang pasyente gidala dayon sa Liloy Integrated Health District Hospital alang sa dugang nga pag-atiman.(JENIFFER JR. DELICA)
Photo Courtesy: BFP R9 Liloy Fire Station