Napulo ug pito ka coconut cooperatives ug enterprises gikan sa Zamboanga del Norte ang miapil sa Three-Day Market Linkage Initiative for Coconut Enterprises ubos sa Coconut Farmers and Industry Development Plan (CFIDP) nga gipahigayon gikan Hulyo 20 hangtod 24, 2026, sa Lucena City, Quezon Province.
Giorganisa sa Department of Trade and Industry Region IX (DTI IX) uban sa Philippine Coconut Authority (PCA), ang kalihokan gitambongan sa kapin 60 ka delegado gikan sa Zamboanga del Norte, Zamboanga del Sur, Zamboanga Sibugay ug Zamboanga City.
Panguna nga tumong sa programa ang pagpalig-on sa market linkages, pagpalambo sa product innovation ug pagpalapad sa mga oportunidad sa negosyo alang sa mga coconut-based enterprises sa Zamboanga Peninsula.
Apil sa mga delegado gikan sa Zamboanga del Norte ang Provincial Planning and Development Office (PPDO), nga girepresentahan ni Project Development Officer III Maila J. Dinolan, kauban ang 17 ka coconut cooperatives ug enterprises sa probinsya.
Kabahin kini sa mga paningkamot sa Provincial Government of Zamboanga del Norte ubos sa “KUYOG TA sa Bag-ong ZANORTE Agenda” ni Governor Darel Dexter T. Uy aron mapalig-on ang competitiveness sa mga lokal nga coconut enterprises pinaagi sa value addition, pagpalapad sa merkado ug pagmugna og mas lig-on nga panginabuhian alang sa mga coconut farmers.(IKEN B. GULLEM)
Source: Zamboanga del Norte Provincial News Network