Ang World Wide Fund for Nature (WWF)- Philippines sa pakigtambayayong sa Lokal nga Kagamhanan ning dakbayan nga mao ang Capacity Building for City Staff on Localizing Energy Transition Workshop gapahigayon sa Nobyembre 27, 2024 didto sa Missio Dei Hotel, ning siyudad.
Kahinumduman nga ang dakbayan sa Dipolog ang napili na usab isip usa nahimong parte sa laing WWF Global Project nga mao ang Cool and Solar Initiative (CSI) karong tuiga nga nagtinguha sa pagsagop sa Rooftop Solar and Efficient Cooling alang sa mga tropical nga nasud sama sa Pilipinas. Dugang pa, nga kining maong Rooftop Solar and Efficient cooling ang gibasi sa assessment nga gihimo ilawom sa Cool and Solar Initiative Project, aron mapalig-on ang target ug aksyon sa siyudad pinaagi sa Local Government alang sa pag-gamit sa renewable energy sources isip pagsumpo batok sa Global Warming, Climate Change ug Greenhouse Effect.
Ang nahisgutan nga aktibidad ang gipanguluhan nila ni WWF-PH (OPC and CSI) Project Manager, Ms. Imee Bellen, WWF Energy Solutions Chief Executive Officer, Mr. Johnny Altamante, WWF-PH Project Officer, Cathlyn Genoring. Apil sa mitungha sa maong aktibidad ang mga representante gikan sa nagkalain-laing buhatan ug Heads of Offices sa kagamhanang lokal ning dakbayan ug uban pa.
Sa maong workshop tinguha sa grupo nga mapalambo ang kapasidad sa mga lokal nga kawani sa gobyerno sa pag-localize sa Energy Transition pinaagi sa renewable energy sources, efficient cooling practices and achieving sustainable energy solution.(Angelica T. Obina)
Source: DIPOLOG CITY GOVERNMENT