Nakalas ang usa ka call center agent human pusila sa ulo sa mga wala maila nga suspetsado nga riding-in-tandem didto sa Villagonzalo 2, Barangay Tejero, Dakbayan sa Sugbo, Miyerkules, Nobiyembre 27, 2024, pasado alas-5 sa hapon.
Ang biktima giila sa kapulisan na mao si John Dave Escoton, 26- anyos, nagpuyo rapud sa maong lugar.
Sa imbestigasyon giingong nagpahayahay sa usa ka monoblock sofa gawas sa ilang balay ang biktima samtang naggamit sa iyang cellphone, dihang kalit nga niduol ang usa ka lalaking nga nagsul-ob ug bonnet ug gipusil siya kaduha tumong sa ulo.
Nasayran usab nga kanhi na nalambigit sa ginadiling drugas si Escoton ug napriso.
Nagpadayon karon ang imbestigasyon sa Waterfront Police Station aron matino ang motibo ug mahibal-an ang mga responsable sa krimen.
I via Renante Socia Lada