Ang kagamhanang probinsyal sa kamanduan ni Governor Rosalina “Nanay Nene” Jalosjos pinaagi sa Provincial Risk Reduction and Management Office (PDRRMO), mipahigayon sa Water Search & Rescue (WASAR) Training sugod Disyembre 6-9 sa Zamboanga del Norte Convention Center ning dakbayan sa Dipolog.
Adunay 40 kapin nga mga kawani ang misalmot sa maong upat ka adlaw nga training diin, mismo ang Coast Guard Station Zamboanga del Norte ang mihatag sa pagbansay.
Usab, tumong ug tinguha nga masayran ang pamaagi sa pagluwas sa kinabuhi partikular na sa aquatic emergencies ug lakip ang pagpangandam kon ugaling adunay kalamidad o emerhensiya palibot ning lalawigan.
Ang Commander Coast Guard District Southwestern Mindanao Commodore Marco Antonio P. Gines maoy pinasidunggang mamumulong nagkanayon nga kinahanglan sa panahon nga adunay emerhensiya o kalamidad mahinungdanon nga ang mga rescuers ug ang tawong biktima ang anaa gayud sa luwas ang kahimtang.
Gikahibaloan, ang mga pagbansay-bansay nga ipahigayon sa PDRRMO dakog ikatabang alang sa tanang ginsakpan lakip na sa mga tawong kalambigit niini.
(Source: Provincial Information Center Zanorte Facebook page)
Tags: