Dakpan ang usa ka wanted person nga nag atubang sa kasong Sexual Assault atol sa gipatoman nga intelligence -driven law enforcement operation mga ala 1:40 ang takna sa kadlawon niadtong Hunyo 10,2026 ,didto sa Purok Gabi, New Sicayab, Polanco Zamboanga del Norte.
Ang maong dinakpan nga wanted person naila nga usa ka 35 anyos nga lalaki,kinsa gidakop pinaagi sa mga personahe sa Polanco MPS, ZNPIU, Anti-Kidnapping Group Mindanao Field Unit (AKG-MFU), pinasikad sa warrant of arrest alang sa kasong Sexual Assault ubos sa Article 266-A (2) kon paglapas sa RA 7610 nga gi-isyu ni Hon.Florendo Bolante Opay Presiding Judge sa RTC, 9th Judicial Region,Branch 4, Dapitan City, Zamboanga del Norte nga gipetsahan ug Hunyo 8,2026 nga adunay girekomendar nga piyansa nga P200,000 ka pesos alang sa iyang temporaryong kagawasan.
Ang identidad sa dinakpan wala gibutyag alang sa pagsunod sa lagda sa paggamit sa mga palisiya sa pribasiya ug pagpanalipod sa datos ug gipahibalo siya sa kinaiya sa iyang pagkadakop ug mga katungod sa konstitusyon ubos sa Miranda Doctrine.(MEDALYN U. BORJA)
Source: ZNPPO