Nagtingkagol karon sa prisohan homan masikop atol sa gikasa nga operasyon sa mga personahe sa kapulisan ang usa ka wanted person nga nag atubang sa kasong pagpangawat mga alas 2:10 ang takna sa hapon ,niadtong Marso 26,2026,didto sa Purok Isla Verde, Brgy. Santo Niño, Polanco, Zamboanga del Norte.
Naila ang dinakpan nga wanted person nga usa ka 48 anyos nga babaye, minyo, ug residente sa nasangpit nga lugar kinsa gidakop pinaagi sa mga personahe sa Tracker Team sa Polanco Municipal Police Station (MPS).
Ang pagdakop sa suspek gihimo pinasikad sa Warrant of Arrest alang sa krimnes nga Simple Theft nga gi-isyu ni Hon. Rolando G. How, Presiding Judge, Regional Trial Court, National Capital Judicial Region, Branch 257, Parañaque City, nga gipetsahan Enero 3, 2018, nga adunay girekomendar nga piyansa nga Php 40,000.00 alang sa iyang temporaryong kagawasan.
Ang dinakpan gipahibalo sa hinungdan sa iyang pag-aresto ug mga katungod sa konstitusyon subay sa Miranda Doctrine.(MEDALYN U. BORJA)
Source: Dipolog CPS