Wala na maka iskapo sa kamot sa mga tinugyanan sa balaod homan masikop atol sa gipatuman nga buy-bust operation ang usa ka bag-ong nailhan nga Street Level Individual (SLI) mga alas 9:08 ang takna sa kagabhion niadtong Marso 24, 2026.
Ang maong dinakpan naila nga usa ka 43 anyos, lalaki, minyo, motorcab driver, ug residente sa Relocation Site, Santa Cruz Village, Olingan, ning dakbayan sa Dipolog, kinsa gidakop pinaagi sa mga personahe sa Dipolog CPS nga gipangulohan sa Chief of Police (Lead unit) uban sa RDEU9, 1ST PMFC ug mga personahe sa 97 IB 1ID PA uban sa koordinasyon sa PDEA 9 pinaagi sa Search Warrant nga gipetsahan ug Marso 24, 2026 nga gi-isyu ni Hon. Judge Jose Rene G Dondoyano RTC 9, Branch 6, Dipolog City.
Atol sa operasyon nakumpiska gikan sa suspek ang nagkadaiyang heat-sealed transparent plastic sachet nga adunay sulod sa gituohang shabu lakip ang mga butang nga dili druga.
Gibana-bana nga mutimbang sa 8 gramos ang gibug-aton sa nakuhang ilegal nga drugas nga adunay standard nga presyo nga P54,400.
Ang mga nakumpiskang droga itugyan ngadto sa ZDN Provincial Forensic Unit alang sa eksaminasyon,
Samtang ang nadakpang suspek anaa na karon ubos sa protective custody sa Dipolog CPS alang sa hustong disposisyon.(MEDALYN U. BORJA)
Source: Dipolog CPS