Wala na maka iskapo sa kamot sa mga tinugyanan sa balaod homan masikop ang usa ka wanted person nga nag atubang sa kasong Acts of Lasciviousness atol sa gipatoman nga operasyon Agosto 4, 2026, mga alas 6:55 sa gabii, didto sa Barangay Poblacion, Manukan, Zamboanga del Norte.
Ang maong dinakpan nga wanted person naila nga usa ka 31 anyos nga lalaki ,kinsa gidakop pinaagi sa mga personahe sa Manukan Municipal Police Station (MPS) sa bisa sa Warrant of Arrest tungod sa kasong Acts of Lasciviousness ubos sa Article 336 sa Revised Penal Code, nga na-docket ubos sa Criminal Case No. 29002, nga gi-isyu sa Regional Trial Court, Family Court, Branch 3, Ninth Judicial Region, Dipolog City, nga gipetsahan Hulyo 31, 2026 nga adunay girekomendar nga piyansa nga Php 36,000.00 alang sa iyang temporaryong kagawasa
Ang suspek gipahibalo sa iyang mga katungod sa konstitusyon ug gidala sa kustodiya sa Manukan MPS alang sa hustong dokumentasyon ug pagkompleto sa gikinahanglan nga mga legal nga proseso.(MEDALYN U. BORJA)
Source: ZNPPO