Dakpan ang usa ka wanted person nga nag atubang sa kasong Qualified theft atol sa gipatoman nga operasyon sa mga personahe sa kapulisan mga alas 7:00 ang takna sa kagabhion niadtong Mayo 12,2026,didto sa Brgy. Antipolo, Dapitan City, Zamboanga del Norte.
Ang maong dinakpan naila nga si alyas “Gerald”, 27 anyos, lalaki, ulitawo, walay trabaho ug residente sa nahisgutang lugar kinsa gidakop pinaagi sa mga personahe sa Dapitan CPS, uban sa mga personahe gikan sa Mabuhay SBC (5th SOU, PNP MG), 1st MC, ZNPMFC ug ZDN MARPSTA, sa bisa sa warrant of arrest nga gi-isyu ni Presiding Judge Hilarion Jonathan Garcia Maagad sa MTCC, 9th Judicial Region, Dapitan City, Zamboanga del Norte alang sa krimen nga Qualified Theft nga gipetsahan ug Mayo 11, 2026 nga adunay girekomendar nga piyansa nga PhP 24,000.00.
Ang dinakpan gipahibalo sa hinungdan sa iyang pagkadakop ug mga katungod sa konstitusyon sa usa ka diyalekto nga iyang hingpit nga nasabtan ug anaa na kini karon anaa sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO