Dakpan ang usa ka bag-ong nailhan nga Street Level Individual (SLI) atol sa gipatoman nga Drug Buy-bust operation sa mga personahe sa kapulisan mga alas 9:40 ang takna sa kagabhion niadtong Mayo 12, 2026, didto sa Purok Verbena, Brgy. Poblacion, Tampilisan, Zamboanga del Norte.
Ang maong dinakpan nga drug suspek naila nga usa ka 35 anyos, lalaki, minyo, walay trabaho, ug residente sa Brgy. Poblacion, Tampilisan, Zamboanga del Norte.
Atol sa operasyon ,nakuha gikan sa drug suspek nagkadaiyang pakete sa gituohang shabu nga adunay gibanabanang kinatibuk-ang gibug-aton nga kapin o kulang 1.2 gramos nga adunay gibanabanang kantidad nga PhP8,160.00.
Ang dinakpan gipahibalo sa hinungdan sa iyang pagkadakop ug mga katungod sa konstitusyon sa usa ka pinulongan nga hingpit niyang nasabtan ug gidala sa Liloy Integrated District Hospital alang sa medical ug physical examination ug karon anaa na kini sa kustodiya sa Tampilisan MPS alang sa hustong disposisyon.
Samtang ang nakumpiska nga ebidensya sa droga itugyan ngadto sa Zamboanga del Norte Forensic Unit, Liloy Field Office, alang sa laboratory examination.(MEDALYN U. BORJA)
Source: ZNPPO