Arestado ang usa ka wanted person nga nag atubang sa kasong Falsified by Private Individual and Use of Falsied Documents atol sa gipatoman nga hiniusang manhunt operation niadtong Hunyo 17, 2026, mga alas 8:00 sa gabii sa Barangay Galas, Dipolog City, Zamboanga del Norte.
Ang maong dinakpan nga wanted person naila nga si alyas “Ron” 59 anyos, lalaki, minyo, mekaniko ug residente sa Oroquita City, Misamis Occidental, kinsa gidakop tungod sa nasangpit nga kaso ubos sa Artikulo 172 Paragraph 2 sa Revised Penal Code ubos sa kasong kriminal no. 21211.
Ang pagkadakop gihimo pinaagi sa mga operatiba sa Dapitan City Police Station uban sa 1st ZN PMFC, ZNPIU, 901st MC RMFB9, Mabuhay SBC 5TH SOU MG ug Dipolog CPS sa bisa sa warrant of arrest nga gi-isyu ni Presiding Judge Hilarion Jonathan Garcia Maagad sa MTCC, 9th Judicial Region, Dapitan City, Zamboanga del Norte nga gipetsahan Hunyo 17, 2026 uban sa girekomendar nga piyansa nga Php36,000.00.
Ang dinakpan gipahibalo sa hinungdan sa iyang pagkadakop ug mga katungod sa konstitusyon sa usa ka diyalekto nga iyang hingpit nga nasabtan ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO