Paspas nga mitubag ang Bureau of Fire Protection (BFP)-Piñan nga gipangulohan ni SFO3 Elmar M. Pagente, Acting Municipal Fire Marshal, sa usa ka vehicular accident nga nahitabo sa Barangay Segabe, Piñan, Zamboanga del Norte niadtong Mayo 30, 2026.
Sa pag-abot sa rescuers, ilang nasuta nga conscious pa ang pasyente apan naghigda na sa daplin sa dalan. Nakitaan kini og samad sa tuo nga bahin sa agtang ug mga bun-og sa wala nga bahin sa nawong ug nagreklamo usab ang biktima og grabeng sakit sa likod.
Dayong gihatagan og first aid ang pasyente pinaagi sa pagbutang og cervical spine support aron malikayan ang dugang kadaot sa lawas, samtang gibutangan usab og pressure dressing ang samad sa agtang aron mapugngan ang pagdugo.
Human sa initial treatment, luwas nga gidala sa BFP ambulance ang pasyente ngadto sa Piñan District Hospital alang sa dugang pag-atiman ug medical evaluation.(IKEN B. GULLEM)
Source: BFP R9 PIÑAN FIRE STATION