Sa gipakusog nga presensya sa kapulisan ug hugot nga kampanya batok sa kriminalidad usa ka malampusong joint law enforcement operation ang miresulta sa pagkasikop sa usa ka pinangita sa balaod niadtong Septiyembre 9,2025 tungod sa kasong paglapas sa RA 9165.
Nadakpan ang maong wanted person sa pagpanguna sa mga personahe sa Baliguian MPS uban sa 2nd ZNPMFC ug RMFB 9, pinaagi sa paggamit sa Barangay Information Network (B.I.N) tungod sa kasong paglapas sa Sec 5 Article 2 sa RA 9165 ubos sa warrant of arrest nga giisyu ni Presiding Judge Ela Michelle Sta. Maria Cubero sa Ninth Judicial Region, Branch 27, Siocon, Zamboanga del Norte pinetsahan og Septiyembre 3, 2025.
Kini nga malampusong operasyon nagpamatuod sa walay puas nga dedikasyon sa mga personahe sa pagpanalipod sa komunidad ug sa pagpakig batok sa ilegal nga kalihokan.(Medalyn U. Borja)
Source: Baliguian MPS ZNPPO