Nadakpan ang usa ka Street Level Individual (SLI) atol sa gikasa nga drug buy-bust operation sa mga personahe sa kapulisan mga alas 3:40 ang takna sa kaadlawon niadtong Disyembre 22, 2025, didto sa Purok 1, Barangay Imelda, Labason, Zamboanga del Norte.
Ang dinakpan nga drug suspek naila nga usa ka 24 anyos nga babaye, estudyante,usa ka SLI ug residente sa Purok 1, Barangay Gil Sanchez, Labason, Zamboanga del Norte, kinsa gidakop pinaagi sa mga personahe sa Municipal Drug Enforcement Team (MDET) sa Labason Municipal Police Station (MPS) isip lead unit, inabagan sa Zamboanga del Norte 2nd Provincial Mobile Force Company (PMFC) ug 901st Maneuver Company, Regional Mobile Force Battalion 9 (RMFB9), ug sa koordinasyon sa PDEA9-Zamboanga del Norte.
Nakumpiska atol sa operasyon gikan sa suspek ang usa ka gamay nga heat-sealed transparent plastic sachet nga adunay sulod nga crystalline granules nga gidudahang methamphetamine hydrochloride o shabu nga gigamit isip buy-bust item, tulo ka gagmay nga heat-sealed transparent plastic sachet nga adunay sulod nga parehas nga substansiya nga nakuha isip mga butang nga gipanag-iya, usa ka pula nga Winston empty cigarette pack nga gigamit isip sudlanan ug usa ka tinuod nga Php 500 nga gigamit isip marked buy-bust money.
Ang nakumpiska nga gidudahang drugas gibanabana nga mutimbang sa 2 gramos ug standard drug price nga Php 13,600.00.
Ang nadakpan gipahibalo sa hinungdan sa iyang pagdakop ug katungod sa konstitusyon ug gidala sa Labason District Hospital alang sa medikal ug pisikal nga eksaminasyon.
Samtang ang mga nakumpiska nga mga butang sa droga gitugyan ngadto sa Zamboanga Sibugay Provincial Forensic Unit, Ipil, Zamboanga Sibugay, alang sa qualitative ug quantitative examination.
Kasamtangang detinado na karon ang suspek sa Labason MPS lock-up cell alang sa hustong disposisyon ug pagpasaka sa angay nga kaso.(MEDALYN U. BORJA)
Source: ZNPPO