Nasikop ang usa ka bag -ong street level indibidwal atol sa gipahigayon nga anti-illegal drug buy-bust operation sa mga personahe sa Siocon Municipal Police Station didto sa Barangay A.L. Micubo, Siocon, Zamboanga del Norte niadtong Setyimbre 16, 2025.
Naila ang dinakpan nga si alyas “Baduh”, usa ka lalaki, minyo, mag-uuma ug residente sa nasangpit nga barangay kinsa gisikop tungod sa kasong paglapas sa Republic Act 9165 o Comprehensive Dangerous Drugs Act of 2002.
Ang maong operasyon gipangulohan sa Siocon Municipal Police Station uban sa Zamboanga del Norte Provincial Intelligence Unit (ZN PIU) ug 905th RMFB9.
Nasakmit gikan sa suspetsado ang usa ka gamay nga pakete sa shabu nga nagsilbing buy bust item, ug lain pang unom ka gamayng mga pakete sa shabu gikan iyang posisyon.
Dugang nasakmit gikan sa dinakpan ang P500 peso bill nga nagsilbing buy bust money, usa ka pula nga pouch nga nagsilbing container sa droga, lima ka aluminum foil, ug usa ka blue nga lighter.
Mokabat sa tulo ka gramo ang nasakmit nga droga nga nagkantidad ug Php 20, 400.00.
Ang dinakpan anaa na sa kostodiya sa Siocon Municipal Police Station alang sa tukmang disposisyon.(Jumalisa Papa)
SOURCE: SIOCON MPS