Sikop sa kapulisan ang usa ka gituohang Street Level Individual (SLI) sa gipahigayong buy-bust operation, didto Barangay Polo, Dapitan City, Zamboanga del Norte mga alas 10:48 sa buntag kaniadtong Dominggo, Marso 3, 2024.
Nasikop ang suspek sa gipahigayong law enforcement operation pinaagi sa buy-bust operation nga gihimo sa mga personahe sa ZNPDEU kauban ang Dapitan City Police Station, PIU ZNPPO, ug 901st MC RMFB9.
Atol sa operasyon, nasakmit gikan sa possession sa suspek ang unom ka pakete nga small size heat-sealed transparent plastic sachet nga adunay sulod nga white crystalline granules nga gituohang “shabu”, usa ka Php 500 peso-bill, usa ka unit cellular phone Infinix brand color blue, usa ka pouch color black grey combination nga maoy nagsilbing sudlanan sa mga drug items, ug usa ka unit XRM 110 nga adunay yawe Honda brand nga adunay damage plate number.
Ang nakumpiska nga suspected makakuyaw nga drugas adunay standard drug price nga Php 27, 200.00 nga motimbang og 4 gramos ug gi-turn over sa ZN Provincial Forensic Unit alang sa qualitative ug quantitative examination.
Samtang ang dinakpan gipahibalo sa iyang konstitusyonal nga katungod pareho sa Miranda Warning ug Anti-Torture Law ug anaa na kini sa kustodiya sa Dapitan CPS alang sa tukmang disposasyon.
(Medalyn U. Borja)
(Source: PCADU, ZNPPO)
